2025 yilning 31 mart hamda 3 aprel kunlari Shveysariyaning Lozanna shahrida Xalqaro ot sporti federatsiyasining navbatdagi “FEI Xalqaro Sport Forumi 2025” bo‘lib o‘tmoqda.
Ushbu forumda O‘zbekiston yilqichilik va ot sporti federatsiyasi raisi B.Gaziyev boshchiligida delegatsiya ham ishtirok etmoqda. Mazkur tadbirni Xalqaro ot sporti federatsiyasi prezidenti Ingmar De Vos rahbarligida o‘tkazilmoqda. Ushbu forumda O‘zbekiston yilqichilik va ot sporti federatsiyasi raisi B.Gaziyev boshchiligida delegatsiya ham ishtirok etmoqda. Mazkur tadbirni Xalqaro ot sporti federatsiyasi prezidenti Ingmar De Vos rahbarligida o‘tkazilmoqda. 31 mart kuni Xalqaro ot sporti federatsiyasi “Fei solidarty departament” rahbari Jean-Philippe Camboulives bilan O‘zbekiston ot sporti delegatsiyasi uchrashuv o‘tkazdi. Uchrashuv davomida so‘ngi yillarda O‘zbekistonda ot sportining klassik turlari (ot yo‘rttirish, uchkurash va to‘siqlardan sakrash) jadal sur’atlar bilan rivojlanayotgani hamda chavandozlar va sport otlariga yaratilayotgan shart-sharoitlari Xalqaro ot sporti federatsiyasi rahbarlarini diqqat e’tiborida ekanligini alohida ta’kidlab o‘tildi. Tadbirda qo‘yidagi masalalar ko‘tarildi:- Xalqaro ot sporti federatsiyasi tadqiqot instituti dekani Stefan Mishelning nutqi;- Los-Anjeles-2028 yozgi Olimpiya va Paralimpiya o‘yinlari uchun saralash tizimi muhokamasi;- Ot sportining ot yo‘rttirish turi bo‘yicha strategik harakat rejasi;- FEI sport otlari sog‘ligi va farovonligi strategiyasi hamda chavandozlar ta’lim dasturi taqdimoti;- Ot sportining to‘siqlardan sakrash turi bo‘yicha sakrash qoidalarini to‘liq ko‘rib chiqish;- Kelajakda FEI prezidenti lavozimining maqomi va vazifalari;- Ot sportining uchkurash turi qoidalarini to‘liq ko‘rib chiqish;- Paralimpiya o‘yinlari dasturidan o‘rin olgan ot sporti turlari qoidalarini ko‘rib chiqish.