Ушбу форумда Ўзбекистон йилқичилик ва от спорти федерацияси раиси Б.Газиев бошчилигида делегация ҳам иштирок этмоқда. Мазкур  тадбирни Халқаро от спорти федерацияси президенти Ингмар Де Вос раҳбарлигида ўтказилмоқда.

31 март куни Халқаро от спорти федерацияси “Fei solidarty departament” раҳбари Jean-Philippe Camboulives билан Ўзбекистон от спорти делегацияси учрашув ўтказди. Учрашув давомида сўнги йилларда Ўзбекистонда от спортининг классик турлари (от йўрттириш, учкураш ва тўсиқлардан сакраш) жадал суръатлар билан ривожланаётгани ҳамда чавандозлар ва спорт отларига яратилаётган шарт-шароитлари Халқаро от спорти федерацияси раҳбарларини диққат эътиборида эканлигини алоҳида таъкидлаб ўтилди.

Тадбирда қўйидаги масалалар кўтарилди:

• Халқаро от спорти федерацияси тадқиқот институти декани Стефан Мишелнинг нутқи;
• Лос-Анжелес-2028 ёзги Олимпия ва Паралимпия ўйинлари учун саралаш тизими муҳокамаси;
• От спортининг от йўрттириш тури бўйича стратегик ҳаракат режаси;
• FEI спорт отлари соғлиги ва фаровонлиги стратегияси ҳамда чавандозлар таълим дастури тақдимоти;
• От спортининг тўсиқлардан сакраш тури бўйича сакраш қоидаларини тўлиқ кўриб чиқиш;
• Келажакда FEI президенти лавозимининг мақоми ва вазифалари;
• От спортининг учкураш тури қоидаларини тўлиқ кўриб чиқиш;
• Паралимпия ўйинлари дастуридан ўрин олган от спорти турлари қоидаларини кўриб чиқиш.