Kuni kecha Jamoat xavfsizligi universitetida Milliy gvardiya Chavandozlar va Qorabayir otlari mahorati maktablari murabbiy va sportchi yoshlari bilan ot sportining polo turi bo'yicha o'quv-yig'ini o'tkazildi.
O'quv-yig'ini dasturiga asosan "Polo o'yini tarixi, polo o'yini qoidalari hamda polo o'yini texnikasi" bo'yicha turli mavzularda O'zbekiston Polo federatsiyasi vakillari tomonidan nazariy va amaliy tarzda bilim va ko'nikmalar berildi.
Darhaqiqat, bu kabi o'quv-yig'ini ot sporti turlari bo'yicha tayyorlovchi mutaxassislarning safi kengayishiga katta imkon yaratayotganini alohida ta’kidlash kerak. Murabbiy va sportchi yoshlar uchun tashkil etilgan ushbu o'quv-yig'inida ishtirokchilar kerakli bilimlarni o'zlashtirib, egallagan bilimlarini Chavandozlar maktablarida yurtimiz yoshlarini chavandozlikga tarbiyalash jarayonlarida qo'llashadi desak mubolaga' bo'lmaydi.
O'quv-yi'gini so'ngida murabbiy va sportchilarga O'zbekiston Polo federatsiyasi tomonidan sertifikatlar topshirildi.

Ta'kidlab o'tish joizki, Respublikamiz Prezidenti tomonidan 2021 yil 5 avgustdagi "Chavandozlar maktablari faoliyatini tashkil etish chora-tadbirlari to‘g‘risida"gi PQ-5212-son qaroriga asosan "O‘smirlar va yoshlarni ot sporti, zamonaviy beshkurash, polo va uloq-ko‘pkari bilan muntazam shug‘ullanishga jalb etish, iqtidorli yoshlarni aniqlash, tanlash va saralash (seleksiya), sport zaxirasi va yuqori mahoratli sportchilar tayyorlash bo‘yicha o‘quv-mashq jarayonini tashkil etish, shuningdek, ushbu sport turlari bo‘yicha sport tayyorgarligi mutaxassislari o‘rtasida kasbiy tajribani almashish" belgilangan.