Andijon viloyatidagi Milliy gvardiya Chavandozlar maktabida uloq-ko'pkari bo'yicha viloyat birinchiligi musobaqasi bo'lib o'tdi.
Musobaqada Chavandozlar maktabi jamoasi, Andijon tumanidagi Bo'taqora MFY “Uloq-ko‘pkari” seksiyasi jamoasi, Andijon tumani Xortum MFY “Uloq-ko‘pkari” seksiyasi jamoasi va Buloqboshi tumani Chaqar MFY “Uloq-ko‘pkari” seksiyalari jamoalari o'zaro bellashdilar.
Bellashuv qizg'in va murosasiz bahslarga boy tarzda o'tdi.
Mazkur musobaqani 150 nafarga yaqin ot sporti ishqibozlari tomosha qildilar.
Musobaqaning yakuniy natijalariga ko'ra faxrli 1-o‘rinni Buloqboshi tumani jamoasi, 2-o‘rinni Andijon tumani Xortum MFY jamoasi va 3 -o‘rinni Milliy gvardiya Chavandozlar maktabi jamoasi egalladi.
Yakunda g'oliblar tashkilotchilar tomonidan kubok, medal va esdalik sovg'alari bilan munosib taqdirlandilar.