Kuni kecha Poytaxtimizda joylashgan "Universal Horses Stable" ot sporti klubida 8-dekabr O'zbekiston Respublikasi Konstitutsiyasi qabul qilingan kun munosabati bilan ot sportining chavgon turi bo'yicha musobaqa bo'lib o'tdi.

Musobaqada Davlat xavfsizlik xizmati Chegara qo'shinlarining 1 va 2 jamoalari, Milliy gvardiya Toshkent shahar va Toshkent viloyati Chavandozlar maktablari hamda "Universal Horses Stable" ot sporti klubi jamoalari ishtirok etishdi.

Chavandozlar oʻrtasida start olgan musobaqa qizg'in va shiddatli o'tdi.

Ajoyib bellashuvlarga boy o'tgan musobaqaning yakuniy natijasiga ko'ra:
Davlat xavfsizlik xizmati Chegara qo'shinlari 2 jamoasi 1-o'rinni qo'lga kiritib, musobaqa g'olibiga aylanishdi. Milliy gvardiya Toshkent shahar Chavandozlar maktabi jamoasi 2-o'rinni egallagan bo'lsa, Davlat xavfsizlik xizmati Chegara qo'shinlari 1 jamoasiga esa 3-o'rin nasib etdi.

Musobaqa yakunida g'olib jamoalar kubok, diplom, medal va esdalik sovg'alari bilan munosib taqdirlanishdi.