Куни кеча Пойтахтимизда жойлашган "Универсал Ҳорсес Стабле" от спорти клубида 8-декабрь Ўзбекистон Республикаси Конституцияси қабул қилинган кун муносабати билан от спортининг чавгон тури бўйича мусобақа бўлиб ўтди.

Мусобақада Давлат хавфсизлик хизмати Чегара қўшинларининг 1 ва 2 жамоалари, Миллий гвардия Тошкент шаҳар ва Тошкент вилояти Чавандозлар мактаблари ҳамда "Универсал Ҳорсес Стабле" от спорти клуби жамоалари иштирок этишди.

Чавандозлар ўртасида старт олган мусобақа қизғин ва шиддатли ўтди.

Ажойиб беллашувларга бой ўтган мусобақанинг якуний натижасига кўра:
Давлат хавфсизлик хизмати Чегара қўшинлари 2 жамоаси 1-ўринни қўлга киритиб, мусобақа ғолибига айланишди. Миллий гвардия Тошкент шаҳар Чавандозлар мактаби жамоаси 2-ўринни эгаллаган бўлса, Давлат хавфсизлик хизмати Чегара қўшинлари 1 жамоасига эса 3-ўрин насиб этди.

Мусобақа якунида ғолиб жамоалар кубок, диплом, медал ва эсдалик совғалари билан муносиб тақдирланишди.