Kuni kecha Milliy gvardiya Navoiy viloyati bo'yicha boshqarmasi hududida Milliy gvardiya Samarqand, Navoiy va Buxoro viloyatlari Chavandozlar maktablarining jamoalari o‘rtasida ot sportining polo turi bo'yicha navbatdagi musobaqa bo‘lib o‘tdi.

Mazkur musobqaga viloyat hokimligi hamda xuquqni muhofaza qiluvchi idoralar vakillari ishtirok etishdi.

Darhaqiqat, o‘z qoidalari va ko‘rinishi jihatidan ko‘pkari va xokkeyga ham o‘xshab ketadigan qadimiy Chavgon o‘yini zamonaviy ot sportining polo turi bo‘lib, unda ishtirokchilar otda o‘ynaydilar va o‘rtada chavgon to‘pi tashlanib, to‘pni maxsus tayoq bilan maydon bo‘ylab harakatlantiradilar. O‘yinning asosiy maqsadi - raqib darvozasiga imkon qadar ko‘p marta zarba berishdir.

Musobaqaning yakuniy natijalarga ko‘ra:
uchinchi o‘rinni Buxoro viloyati Chavandozlar maktabi jamoasi, ikkichi o‘rinni Samarqand viloyati Chavandozlar maktabi hamda faxrli birinchi o‘rinni Navoiy viloyati Chavandozlar maktabi jamoasi qo‘lga kiritib, musobaqaning respublika bosqichiga yo‘llanmani qo‘lga kiritdi.