Milliy gvardiya Xorazm viloyati Chavandozlar maktabi hududida Milliy gvardiya Xorazm viloyati bo‘yicha boshqarmasi, viloyat Qo‘riqlash boshqarmasi, Urganch shahar 2- sonli va Urganch tumani 50-sonli maktablar hamkorligida O‘zbekiston Respublikasi Konstitutsiyasi qabul qilingan kun munosabati bilan ot sportiningpPolo turi bo‘yicha yoshlar va o‘smirlar o‘rtasida musobaqa o‘tkazildi.

Unda Chavandozlar maktabining "Qaldirg'och", "Afsona" va "Impolo" jamoalari o'zaro bellashishdi.

Shiddatli va murosasiz bahslarga boy bo'lgan musobaqaning yakuniy natijalariga ko'ra, birinchi o'rinni "Qaldirg'och" jamoasi qo'lga kiritdi. Ikkinchi o'rinni "Impolo" jamoasi egallagan bo'lsa uchinchi o'rin esa "Afsona" jamoasiga nasib etdi.

Musobaqaning yakunida g'olib jamoalar tashkilotchilar tomonidan munosib taqdirlandilar.