Миллий гвардия Андижон вилояти Чавaндозлар мактабида Ўзбекистон йилқичилик ва от спорти федерацияси Андижон вилоят бўлими, Андижон вилояти ёшлар сиёсати ва спорт бош бошқармалари ҳамкорлигида "1 октабр - Ўқитувчи ва мураббийлар куни байрами" муносабати билан от спортининг тўсиқлардан сакраш тури бўйича “Водий очиқ чемпионати” мусобақаси ўтказилди.
Мусобақада Миллий гвардия Андижон, Фаргона ва Наманган вилоятлари Чавандозлар мактаблари, “ҲОРСE-КИНҚ” МЧЖ от спорти мажмуаси ҳамда Миллий гвардия От спорти бўйича республика олий спорт маҳорати мактаби спортчилари ўзаро беллашдилар.
Беллашувда 1-ўринни Миллий гвардия Андижон вилояти Чавандозлар мактаби спортчилари, 2- ўринни Миллий гвардия Фарғона вилояти Чавандозлар мактаби спортчилари, 3- ўринни Миллий гвардия От спорти бўйича республика олий спорт маҳорати мактаби спортчилари эгалладилар.
Мусобақа якунида ғолиб чавандозлар диплом, медаллар ва эсдалик совғалари билан тақдирландилар.