Куни кеча Миллий гвардия Сурхондарё вилояти бўйича бошқармаси, Миллий гвардия Қорабайир отлари маҳорати мактаби ҳамда Чавандозлар мактаби ҳамкорлигида ватанпарварлик фестивли бўлиб ўтди.

Мазкур тадбирда от спортининг тўсиқлардан сакраш, от устида кураш, жамоавий улоқ-кўпкари, камондан отиш, армрестлинг, шахмат-шашка, стол тенниси ва миллий ўйинларимиз бўлган арқон тортиш, тош кўтариш бўйича мусобақалар ташкиллаштирилди.
Шунигдек тадбирда ёшлар учун ҳарбий қурол-аслаҳа ва ҳарбий текникалар кўргазмалари, ҳарбий хизматчиларнинг қўл жанги чиқишлари ҳамда иқтидорли ўғил-қизларнинг мусиқа ва санъатдаги ижрочилик маҳоратлари тадбир қатнашчиларида катта таассурот қолдирди.
Якунда фестивал доирасида ташкил етилган мусобақаларда ғолибликни қўлга киритган ёшларга ташкилотчилар томонидан диплом, медал ва есдалик совғалари топширилди.