Республикамиз бўйлаб Миллий гвардия Чавандозлар мактаблари ўртасида от спортининг поло тури бўйича ўтказилаётган мусобақаларнинг навбатдаги босқичи бугун Қашқадарё вилоятидаги Қорабайир отчилик мажмуасида бўлиб ўтди.

Унда Миллий гвардия Қашқадарё вилояти Чавандозлар мактаби жамоаси ҳамда Қорабайир отлари маҳорати мактаби жамоалари ўзаро беллашишди.

Мазкур мусобақа Ўзбекистон Поло федерациясида фаолият кўрсатувчи ҳакамлар томонидан тўғри ва одилона баҳолаб борилди.

Мусобақа якунида эса ғолиб жамоалар ташкилотчилар томонидан муносиб тақдирландилар.