Respublikamiz bo'ylab Milliy gvardiya Chavandozlar maktablari o'rtasida ot sportining polo turi bo'yicha o'tkazilayotgan musobaqalarning navbatdagi bosqichi bugun Qashqadaryo viloyatidagi Qorabayir otchilik majmuasida bo'lib o'tdi.

Unda Milliy gvardiya Qashqadaryo viloyati Chavandozlar maktabi jamoasi hamda Qorabayir otlari mahorati maktabi jamoalari o'zaro bellashishdi.

Mazkur musobaqa O'zbekiston Polo federatsiyasida faoliyat ko'rsatuvchi hakamlar tomonidan to'g'ri va odilona baholab borildi.

Musobaqa yakunida esa g'olib jamoalar tashkilotchilar tomonidan munosib taqdirlandilar.