Yoshlarni jismoniy tarbiya va ommaviy sportga keng jalb qilish va yoshlarning bo'sh vaqtlarini mazmunli tashkil etish hamda ular o'rtasida ot sportini faol targ'ib qilish maqsadida bir qancha tizimli ishlar amalga oshirilmoqda.

Xususan, kuni kecha Buxoro viloyatidagi Prezident maktabi o'quvchilari Milliy gvardiya Chavandozlar maktabiga tashrif buyurishdi. Tashrif davomida dastlab o'quvchi yoshlar maktabning ish faoliyati bilan yaqindan tanishishdi.

Shuningdek, maktabning malakali mutaxassislari tomonidan yoshlarga chavandozlik sirlari, ot sportining afzalliklari, otga minish, otni boshqarish, otning to‘g‘ri harakatini ko‘rsatish kabi ko‘rgazmali yurishlari namoyish etilishi bilan bir qatorda sport formalari hamda ot anjomlari bilan ham tanishtirildi. Shuning bilan o'quvchi yoshlar uchun maktabning mashg'ulot o'tkaziladigan maydonda mahorat darsi olib borildi.

O'quvchi yoshlar uchun Chavandozlar maktabiga tashkillashtirilgan ushbu tashrif ularda katta taassurot qoldirib, ularda ot sportiga qiziqish va chavandoz bo'lish istagi paydo bo'la boshladi.