Bugun 4-may kuni poytaxtimizda “9-may Xotira va qadrlash” kuni munosabati bilan “Jasorat millat g`ururi va iftixori” shiori ostida kuch tuzilmalari va O‘zbekiston Yilqichilik va ot sporti federatsiyasi hamkorligida tashkil etilgan “Otliq kavaleriya paradi” poytaxtimiz aholisi va ko‘plab mehmonlarga hamda jajji bolajonlarimizga ko‘tarinki kayfiyat ulashdi.
Parad ishtirokchilari “O‘zbekiston” mehmonxonasi avtoturargohidan Amir Temur hiyoboni bo‘ylab yurishdi.
Mazkur tadbirda turli vazirlik va tashkilotlardan (Milliy gvardiya Faxriy qorovul batalyoni kavaleriya eskadroni, Milliy gvardiya Chavandozlar maktablari, Ichki ishlar vazirligi, Jamoat xavfsizligi universiteti, Toshkent shahar IIBB PPXB OTDXTB otliq otryadi, O‘zbekiston Yilqichilik va ot sporti federatsiyasi, Ot sporti bo‘yicha O‘zbekiston Milliy terma jamoasi chavandozlari sport otlarida ishtirok etdi.
Shuningdek, otliq kavaleriya bo‘linmalari harakatlarining jozibadorligi hamda ochiq osmon ostidagi bayramona tadbir yig‘ilganlarga bir olam quvonch hadya etdi.
Ushbu tadbir Milliy gvardiya harbiy orkestrlari ijrosidagi musiqa sadolari ostida yakunlandi.